Што работиме

Нашите услуги

Нудиме услуги во пет меѓусебно поврзани области, приспособени на потребите на секој клиент. Соработката најчесто започнува со конкретна потреба: сметководствена поддршка, даночно прашање, подготовка за деловна трансакција или консултација, а потоа се надградува во зависност од целите и предизвиците на вашиот бизнис.

Нашиот пристап е насочен кон практични решенија, стручна поддршка и услуги што создаваат вистинска вредност за вашето работење.

01 / Сметководство и даноци

Сметководство и даноци

Обезбедуваме целосна сметководствена поддршка, обработка на плати и подготовка и следење на даночните обврски. Преку навремено известување и стручно даночно советување, ви помагаме да донесувате информирани деловни одлуки и однапред да ги согледате нивните финансиски и даночни импликации.

За кого се наменети услугите?

Трговски друштва од различна големина на кои им е потребно надворешно сметководствено работење.
Странски друштва и претставништва што работат во Република Македонија.
Компании со сопствено или надворешно сметководство кои имаат потреба од дополнителна стручна проценка и независно мислење.
Компании во фаза на раст и развој кај кои зголемениот обем на работа бара дополнителна сметководствена и даночна поддршка.

Прочитајте повеќе

02 / Деловен консалтинг

Деловен консалтинг

Обезбедуваме поддршка во деловното планирање, менаџерското известување и анализата на трошоците, со цел да добиете јасен увид во финансиските резултати и работењето на вашата компанија. Преку анализа на релевантни податоци и подготовка на практични препораки, ви помагаме да донесувате информирани одлуки и да ги насочите ресурсите кон остварување на деловните цели.

За кого се наменети услугите?

Компании во фаза на раст и развој кај кои е потребно унапредување на организацијата и деловните процеси.
Сопственици и управители на кои им е потребен подобар увид во работењето без секојдневно да бидат вклучени во сите оперативни активности.
Друштва што планираат финансирање или привлекување инвеститор и имаат потреба од јасни финансиски показатели и квалитетна деловна анализа.
Компании со уредна сметководствена евиденција кои сакаат да воведат систематско планирање, следење на резултатите и контрола на трошоците.

Прочитајте повеќе

03 / Проценка на вредност

Проценка на вредност

Обезбедуваме независна проценка на вредноста на деловни субјекти и сопственички удели, врз основа на соодветна методологија, финансиски податоци и релевантни деловни околности. Проценката е придружена со јасно образложение на применетиот пристап, клучните претпоставки и факторите што влијаат врз утврдената вредност. На тој начин добивате стручна основа за преговори, деловни одлуки и планирање на идни активности.

За кого се наменети услугите?

Сопственици што планираат продажба на бизнисот или влез на нов партнер и имаат потреба од реална проценка на вредноста.
Инвеститори пред вложување капитал кои сакаат подобро да ја согледаат финансиската состојба и вредноста на деловниот субјект.
Сопственици при поделба на удели, излез од партнерство или несогласувања околу вредноста на сопственичкиот удел.
Друштва што планираат докапитализација или преструктурирање и имаат потреба од проценка како основа за донесување одлуки.

Прочитајте повеќе

04 / Внатрешна ревизија

Внатрешна ревизија

Обезбедуваме услуги за внатрешна ревизија насочени кон проценка на ефикасноста на деловните процеси, внатрешните контроли и системите за управување со ризици. Преку систематски преглед и анализа, ги идентификуваме областите во кои постои простор за подобрување и даваме конкретни препораки за поефикасно работење, подобра контрола и поодговорно управување со ресурсите.

За кого се наменети услугите?

Компании во фаза на раст и развој кај кои постојните системи на контрола треба да се приспособат на зголемениот обем и сложеност на работењето.
Друштва со законска обврска или деловна потреба од внатрешна ревизија кои сакаат да обезбедат соодветен преглед на процесите и контролите.
Сопственици и управители кои не се непосредно вклучени во секојдневното работење и имаат потреба од независен увид во функционирањето на компанијата.
Друштва што се подготвуваат за влез на инвеститор или за банкарско финансирање и сакаат да ги унапредат внатрешните контроли, процедурите и транспарентноста во работењето.

Прочитајте повеќе

05 / Отворање на фирма

Отворање на фирма

Обезбедуваме стручна поддршка при основање и регистрација на деловни субјекти, од изборот на соодветна правна форма до подготовката за започнување со работа. Ви помагаме да ги разберете постапките, потребната документација и почетните законски обврски, како и да го организирате сметководството и пресметката на плати според потребите на вашето работење. Целта е уште од самиот почеток да имате јасна слика за обврските и уредна основа за водење на бизнисот.

За кого се наменети услугите?

Претприемачи што ја основаат својата прва фирма и имаат потреба од насоки за избор на правна форма и почетните обврски.
Странски основачи што регистрираат друштво во Македонија и им е потребна поддршка во постапката за основање и организирање на работењето.
Постојни друштва што отвораат подружница или основаат ново друштво како дел од нивниот деловен развој.
Фриленсери и лица што работат хонорарно и размислуваат за преминување кон работење преку сопствено друштво.

Прочитајте повеќе

Не сте сигурни која услуга ви е потребна?

Опишете ни ја вашата ситуација во неколку реченици. Ќе ви помогнеме да утврдите кој е најсоодветниот пристап кон вашето прашање. Доколку е потребен само конкретен одговор, ќе го добиете без обврска за понатамошна соработка и без претходно доставување понуда.

Контактирајте нè